Sergio Bruni - Vieneme 'nzuonno

E pass' 'o tiempo
Sunnanno ll'ammore
Sultanto ll'ammore
E nun s'arrènne 'stu core
Penzanno, aspettanno a te
Pure 'a vernata fredda
Se ll'accarezza 'o sole
Ma 'o sole
'O sole mio, addó sta?

Viéneme 'nzuonno, sì
Viéneme 'nzuonno
Nun mme scetà
Famme 'mpazzì
'Nzieme cu tte
Mme pare overo ca sî turnata
Comm'a 'na vota
Abbracciata cu mme
Ammore, ammore mio

Sento ancora dint'ê vvene
'O desiderio e 'o bbene
Damm' 'a mano, damme 'o core
Io voglio sulo a te

Viéneme 'nzuonno, sì
Viéneme 'nzuonno
Te voglio dì:
"'O sole mio
'O sole mio sî tu"

Facimmo pace
Nun 'mporta 'o ppassato
Ce sta 'nu dimane
Io conto 'e juorne suffrenno
Vulenno sultanto a te
'Sta vita nun è vita
Si nun ce sta ll'ammore
E 'ammore
L'ammore mio sî tu

Viéneme 'nzuonno, sì
Viéneme 'nzuonno
Nun mme scetà
Famme 'mpazzì
'Nzieme cu tte
Mme pare overo ca sî turnata
Comm'a 'na vota
Abbracciata cu mme
Ammore, ammore mio

Sento ancora dint'ê vvene
'O desiderio e 'o bbene
Damm' 'a mano, damme 'o core
Io voglio sulo a te

Viéneme 'nzuonno, sì
Viéneme 'nzuonno
Te voglio dì:
"'O sole mio
'O sole mio sî tu"

Famme sunnà vicino a te
Ammore, ammore mio