Bułek - Bez lata

1.
Na szczytach kominy dym spowijo ta ziymia
brudne familoki Miejsce mego pochodzynia
tukej zawsze to samo co się wyjrza bes łokno
ludzie na ulicy twarze im od sadzy moknom
to tak łod tond az kajs po szary choryzont
worki wyngla ludzi tu po rynkach gryzom
łzy na pyskach ludzi pracy to jest ślonsk i ślonzacy
nic niy musza ci tłumaczyc zrozumiec to raczysz
Widza tukej modych chopców co na starcie już przepadli
wpadli w łapy tym kiere przyszłosć nom ukradli
słysza modlitwa na ustach tych co na doł jechac muszom
"...Pozwól Boże wrócić na wiyrch świeć dzis panie nad mom duszom..."
tu zaklynte w kozdyj cegle zapisane w kożdyj ścianie
Wściekłośc fatra na pyndzyjo i cichutkie bajtli łkanie
tukej nic sie juz niy zmieni żywot zmiyniony w konanie

Refren:
Bes lata widziołech jak wyglondo życie
wycierane czasym jak szczewik na tricie
bes lata słyszołch durś te obietnice
że bydzie lepij pożyjecie zobejrzycie X3
bes lata widziołech jak wyglondo życie
wycierane czasym jak szczewik na tricie
bes lata słyszołch durś te obietnice
że bydzie lepij i co z tym robicie

2.
W Ainfartach chopcy opracowujom plany
kaj skoczyc na kynsy czy "żyd" już nagrany
kaj aiza pociś kaj lepij zapłacom
bo w gorcach pusto i pic ni ma za co
pytom sie wos fto droga ta pokozoł
fto nos uchowoł przed laskom bozom
czamu sie zagubioł zawiesioł w przestrzyni
czamu Bóg opuścioł tyn kawałek ziymi
Jo znom te historie z własnego doswiadczynia
to prowda okrutno nic tu sie niy zmiynia
bes lata to samo my napiyntnowani
Lud z czornyj zimi ze slonskich granic
w modlitwie dźwigomy zniszczone dłonie
Zamkniynci w sobie czekomy na koniec
ze ranom na sercu kiero w nos płonie
pacząc jak ślonsk kole nos tonie.