Vincenzo Romano - Pe' Cecca (Conta le pene soie amorose)

Pe' Cecca st'arma squàcquara e squaquiglia
E comm'a sivo de cannela squaglia.
E faccio vampa comme fa la paglia
O comm'a pòrva, quanno fuoco piglia.
Ma se non m'amma, non è maraviglia,
Pecché me trovo senza na retaglia!
Amante affritto che non ha na maglia
Se devarrìa grattare co na striglia!
Che serve a fa la museca e la veglia
E co lo canto dìcere la doglia,
Chill'ommo ch'è de povera fameglia?
Non resce, de lo povero, la mbroglia!
Trova lo ricco la cchiù grossa treglia!
Trova lo ricco la cchiù grossa treglia!
Chi confiette non ha, cocìna foglia!
Chi confiette non ha, cocìna foglia!
Chi confiette non ha, cocìna foglia!