Ludowa austriacka - Höttinger Voglfocher-Lied

1. Ålle Buama, måchts enk auf
und außer aus die Better!
Voglfånga gehn ma heut,
werd jå s schönste Wetter!

Ziwui, ziwui, ziwui, ziwui,
ziwui, ziwui, ziwui, ziwui,
schlåg, schlåg, schlåg,
es schlågt, schon hålbe druia!

2. Franzl, lauf zum Voglblender,
klopf n nån sein Fenschter!
Såg fein glei, daß du es bischt,
sist moant er, es sein Gspenschter!

3. Hallo, Ålter, måch di auf
mit deine krumpen Haxn,
nimm die Locker ålle mit,
I tråg dir schon die Kraxn!

4. Jå Buam, heut isch sakrisch kålt,
es måcht oam glåmme Pratzl!
Dort obn bei der Hollerstaudn,
då isch dås beschte Platzl.

5. Buabn, nehmts an Giggus mit
und tiats ihn guat versteckn,
wenns der alter Grießer sieht,
dann kriag ma koan mehr z'schmeckn.

6. Buama, seids mir fein recht stad,
måchts mir jå koan Larmen –
hintern Bäckenbichl her
kemmen siebn Schendarmen!

7. Geah, Jåckl, stell die Kraxn hin,
und låß die Locker außer,
i tua daweil die Taschn au
und ziach die Ruatn außer.

8. Wånns ins heut koaner hängenblieb,
da müaßat I recht låchn,
weil du am Fretag gstrittn håst:
Laß mi den Leim ånmåchn!

9. Werscht sechn, Bua, der Leim ish guat,
då bleibt a jeder klebn!
Daß koaner wieder weggafliagt,
will a hålbe wettn!

10. Buama schauts enk grad dös an!
Wås isch des fü a Vogl? –
Ei, du verhöllter Gålgenhund,
dås isch jå lei a Gogl!

11. Jetzt, Buam, richts die Garggn her
und au die Gipfelruatn,
dort untn in die hochn Staudn
då tuan die Gimpl bruatn.

12. Jetzt, Buam, gschwind den Garggn auf,
åber fein an groaßn –
es kimmt a gånze Schår daher,
und lauter Spiaglmoasn!

13. Heut fång ma uns jå Vögl gnua,
so ischts gar nia zuagången:
I moan, fürs Dutzend zwanzig Nösch,
die kinn ma keck verlången!

14. Buama, påck ma zsåmmen jetzt,
es scheint schon z stårk die Sunnen –
der Leim isch auf denselben Garggn
schon der mehrscht verrunnen!

15. Åm nächstn Sunntag in da Früah
tuats enk beizeitn richtn –
wånns Wetter nur a bißl tuat,
måchn mir die besten Schichtn!

16. Hallo, Buabn, seids fein still
und tiats ma ja nit larmen,
übern Gramartboder her,
da kemmen zwoa Schandarmen.

Hallo, Buabn, frisch durchau,
gegnen Prantlschrofn,
zündets enk die Pfeifn an
und rachts als wia an Ofn.

Alte Weiber, Hobelschoatn,
bind ma zu an Buschn,
tian a Packl Pulver drau
und laßn in Teifl tuschn!