Ludowa austriacka - Stellt's meine Ross' in Stall

1. Die letzte Fuhr, das war ka Fahrt in's Paradies,
Das hab i kommen g'seh'n, das war mir g'wiß.
Die Roß hab'n nimmer zog'n wie frühr'r amol am Strang,
Die Huaf hab'n klungen wia a Abschiedsg'sang.
Sie war'n mei Stolz die Ross'
Und a mei Freud'.
Heut rennen d'Radeln schneller wia die Zeit.

Stellt's meine Ross' in Stall
Bald kriagn's zum letzten Mal
A Sackerl Hafer und a Heu.
Dann hängt's das G'schirr an d'Wand,
Bald kriag'ns a Halfterband,
Dann kommt der Abschied für uns drei.
Nehmts mir die Peitsch'n weg,
Stellt's mir's wo in a Eck'
Damit ich's nimmer schnalzen hör'.
Hängt's an die Tür a Schloß,
Dann seit's mi endlich los,
Weil i jetzt nimmer zu die Fuhrleut g'hör.

2. So wia zur Firmung putzt's mir nochmals auf den Wag'n
Das wär mein Wunsch doch leider heißt's entsag'n,
Mei Zeug'l deckt's mir jetzt mit alte Decken zua,
Das Wagerl braucht genau wia i sei' Ruah.
Wann i an Fuhrmann siech der Ross' no führt,
Hör i im still'n das Fuhrmanns-Abschiedslied:

Stellt's meine Ross' in Stall
Bald kriagn's zum letzten Mal
A Sackerl Hafer und a Heu.
Dann hängt's das G'schirr an d'Wand,
Bald kriag'ns a Halfterband,
Dann kommt der Abschied für uns drei.
Nehmts mir die Peitsch'n weg,
Stellt's mir's wo in a Eck'
Damit ich's nimmer schnalzen hör'.
Hängt's an die Tür a Schloß,
Dann seit's mi endlich los,
Weil i jetzt nimmer zu die Fuhrleut g'hör.