Renato Carosone - 'O chiàmmano Giuvanne cu 'a chitarra

'A séra, 'a còpp' 'e viche,
cu 'a chitarra, scénne pe' Tulèto.
Tène 'a cravatta gialla
e na giacchètta cu 'a spaccata arrèto.
'E scarpe a varchetèlla
e nu cazóne fatto a zompafuósso.
E chi s'avòta 'a ccá,
e chi s'avòta 'a llá
guardánnolo 'e passá.

'O chiámmano Giuvanne cu 'a chitarra...
pecché sape cantá tutt''e ccanzóne.
E' stato 'nnammurato 'e na figlióla
che ll'ha lassato miézo scumbinato...
E pòrta 'e sserenate ê 'nnammurate:
pe' ciénto lire canta "Anema e còre",
pe' cincuciénto fa ll'americano:
s'arrangia a 'mpapucchiá "Johnny Guitarra"...
'O chiámmano Giuvanne cu 'a chitarra...
pecché sape cantà tutt'e ccanzòne

Na séra fuje chiammato,
pe' na fèsta, sott'a nu balcóne
ô vico Scassacòcchi,
primmo piano, 'ncòpp'a nu lampióne.
'A mana lle tremmaje
'sta serenata jéva a Margarita.
Cu 'sta chitarra ccá,
tu mo che cante a ffá?
Pe' chi se vò' spassá?

E 'o chiámmano Giuvanne cu 'a chitarra
pecché sape cantá tutt' 'e ccanzóne.
E' stato 'nnammurato 'e na figlióla
che ll'ha lassato miézo scumbinato.

E canta ànema e còre
E canta 'o quarto 'e luna
na vóce e na chitarra,
malafémmena e Zazzà.
E dòppo o ciucciariéllo
sta a ffà scapricciatiéllo,
stanno vicino a mme,
Maruzzella maruzzè.

'O chiámmano Giuvanne cu 'a chitarra
pecché sape cantá tutt' 'e ccanzóne.