Grzegorz Poloczek - Na domkach na placu

1. Na domkach na placu jak dzisioj wspominom. Razym my rośli jo, Rysio i Byno.
Bez batek w glinioku my sie kompali, na polu na sznurce my drachy puszczali.
Bez gable kamiyniym strzylali do flaszki. Gołymi rynkami chytali my traszki.
Na domkach na placu jak dzisioj wspominom, dorastoł Rysio, Byno i jo.

Ref.

Jak teraz wspominom te czasy stare. Żałuja że wtedy, niy stanoł zygarek. (X2)

2. Na domkach na placu o każdyj porze, bawiyły sie zawsze dzieci na dworze.
Jak słońce świyciło lotali po łąkach, a późno we wieczór szukali po kontach.
W planderze kartofle śledzie sie piykło, na wuszty nom nigdy piyniyndzy niy stykło.
Na domkach na placu jak dzisioj wspominom dorastoł Rysio, Byno i jo.

Ref.

Jak teraz wspominom te czasy stare. Żałuja że wtedy, niy stanoł zygarek. (X2)

3. Na domkach na placu kaj stoła klopsztanga, my dziynnie pod wieczór robili balanga.
Maryśka przyniosła dzbonek z herbatom a mały hanysek kanapki z tomatom.
I ściepli karlusy z gowy beretki, jak Ewka puściyła muzyka z tonetki.
Na domkach na placu jak dzisioj wspominom dorastoł Rysio, Byno i jo.

Ref.

Jak teraz wspominom te czasy stare. Żałuja że wtedy, niy stanoł zygarek. (X2)