Carla Boni - 'O monumento

Nuje parimmo ddoje palumme 'nnammurate
Sempe in pace, sempe allere, appassiunate
Tutta 'a gente d' 'o quartiere
Nun se po' capacità
E ce dice: "Ma scusate
Chistu fatto comme va?
State sempre in armonia
Nun v'appiccecate maje
Manco n'ombra 'e ggelusia
Ve vulite bbene assaje"
"Sì, sì, sì, sì
Ce vulimmo bene assaje"

Peppeniè, Peppeniè
C'hanno a fà 'nu munumento
Abbracciate a me e a te
'Miezz'o largo d' 'a Carità
Proprio là, proprio là
E hanno 'a scrivere accussì:
"Bona gente, chiste ccà
Songo 'e vere 'nnammurate
'E cchiù felice d' 'a città"

Nuje passammo l'ore sane core a core
E parlammo 'e sentimento, bene e ammore
L'ata sera 'n giornalista
C'è venuto 'a intervistà
E c'ha ditto: "Ma truvate
'Na mezz'ora pe' mangià?
State sempe mmane e mmane
Nun facite 'o riesto 'e niente
E ghiurnate sane sane
Ve baciate sulamente"
"Sì, sì, sì, sì
Ce vasammo sulamente"

Peppeniè, Peppeniè
C'hanno a fà 'nu munumento
Abbracciate a me e a te
'Miezz'o largo d' 'a Carità
Proprio là, proprio là
E hanno 'a scrivere accussì:
"Bona gente, chiste ccà
Songo 'e vere 'nnammurate
'E cchiù felice d' 'a città"

Proprio là, proprio là
E hanno 'a scrivere accussì:
"Bona gente, chiste ccà
Songo 'e vere 'nnammurate
'E cchiù felice d' 'a città
'E cchiù felice d' 'a città
'E cchiù felice d' 'a città!"