Tradycyjne - The Barnyards o' Delgaty

As I cam' in by Turra market,
Turra market for to fee,
I fell in wi' a fairmer chiel,
The Barnyards o' Delgaty.

Linten adie toorin adie,
Linten adie toorin ee;
Linten lowrin, lowrin, lowrin,
The Barnyards o' Delgaty.

He promised me the ae best pair
That ever I set my e'en upon,
When I gaed to the Barnyards
There was naething that but skin and bone

Linten adie toorin adie,
Linten adie toorin ee;
Linten lowrin, lowrin, lowrin,
The Barnyards o' Delgaty.

The auld black horse sat on its rump,
The auld white mare lay on her wime,
And for a' that I could 'Hup!' and crack,
They wouldna rise at yokin' time.

Linten adie toorin adie,
Linten adie toorin ee;
Linten lowrin, lowrin, lowrin,
The Barnyards o' Delgaty.

When I gae to the kirk on Sunday,
Mony's the bonnie lass I see
Sitting by her faither's side,
And winkin' owre the pews at me.

Linten adie toorin adie,
Linten adie toorin ee;
Linten lowrin, lowrin, lowrin,
The Barnyards o' Delgaty.

I can drink and no' be drunk,
I can fecht and no' be slain,
I can lie wi' anither man's lass,
And aye be welcome to my ain.

Linten adie toorin adie,
Linten adie toorin ee;
Linten lowrin, lowrin, lowrin,
The Barnyards o' Delgaty.

Noo my cannle is brunt oot,
My snotter's fairly on the wane;
Sae fare ye weel ye Barnyards,
Ye'll never catch me here again!

Linten adie toorin adie,
Linten adie toorin ee;
Linten lowrin, lowrin, lowrin,
The Barnyards o' Delgaty.